ଭାଇରାଲ ହେଉଛି ଅନୁଷ୍କାଙ୍କ ଶୀର୍ଷାସନ ଫଟୋ

ମୁମ୍ବାଇ: ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ନିଜ ପ୍ରେଗନେନ୍ସିଙ୍କୁ ନେଇ ଚର୍ଚ୍ଚାରେ ରହିଛନ୍ତି । ଏବେ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ଶେୟାର କରିଛନ୍ତି ଯାହା ସୋସିଆଲ୍ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।

ସେହି ଫଟୋରେ ଅନୁଷ୍କା ଶର୍ମା ଶୀର୍ଷାସନ କରୁଥିବା ନଜର ଆସୁଛନ୍ତି । ଆଉ ଏଇ କାମରେ ତାଙ୍କୁ ସାହାଯ୍ୟ କରିଛନ୍ତି କ୍ରିକେଟର ସ୍ୱାମୀ ବିରାଟ କୋହଲି। ଅନୁଷ୍କାଙ୍କ ବେବି ବମ୍ପ ନଜର ଆସୁଥିବା ବେଳେ ବିରାଟ ଖୁବ୍ ସତର୍କତାର ସହ ତାଙ୍କ ପାଦକୁ ଧରିଥିବା ନଜର ଆସିଛି ।

ଅନୁଷ୍କା କ୍ୟାପସନରେ ଲେଖିଛନ୍ତି, ‘‘ ଏହା ହ୍ୟାଣ୍ସ-ଡାଉନ୍ ଓ ଲେଗ୍ସ ଅପ ଏକ୍ସରସାଇଜ୍ ଅଟେ । ଯୋଗ ମୋ ଜୀବନର ଏକ ବଡ ଅଂଶ । ଡାକ୍ତର ମୋତେ କହିଛନ୍ତି ଯେ ମୁଁ ସେହି ସବୁ ଯୋଗାସନ କରିପାରିବି, ଯେଉଁଥିରେ ଅଧିକ ଟୁଇଷ୍ଟ କରିବାକୁ ପଡିବ ନାହିଁ ।

ଏହି ଫଟୋକୁ ପ୍ରାୟ ୩ ଲକ୍ଷରୁ ଅଧିକ ୟୁଜର୍ସ ଲାଇକ୍ ଓ ଶେୟାର କରିଛନ୍ତି ।