ଦୀପିକାଙ୍କ ସହ ନଜର ଆସିବେ ବିଗ୍‌ ବି, ପ୍ରଭାସ୍‌ କହିଲେ ‘ମୋ ସ୍ୱପ୍ନ ସାକାର ହେଲା’

1 min read
Amitabh Bachhan Prabhas

ମୁମ୍ବାଇ: ନିର୍ଦ୍ଦେଶକ ନାଗ ଅଶ୍ୱିନଙ୍କ ଫିଲ୍ମରେ ପ୍ରଭାସ ଏବଂ ଦୀପିକା ପାଦୁକୋନଙ୍କ ସହ ଏବେ ବଲିଉଡ୍‌ ମେଗା ଷ୍ଟାର ଅମିତାଭ ବଚ୍ଚନ ମଧ୍ୟ ନଜର ଆସିବେ । ଏନେଇ ଟ୍ରେଡ୍‌‌ ଆନାଲିଷ୍ଟ ତରଣ ଆଦର୍ଶ ସୂଚନା ଦେଇଛନ୍ତି ।

ତାରଣ ଆଦର୍ଶ ନିଜ ଟ୍ୱିଟ୍‌ ହ୍ୟାଣ୍ଡେଲରେ ଲେଖିଛନ୍ତି ଯେ, ଅମିତାଭ-ପ୍ରଭାସ-ଦୀପିକା ନାଗ ଅଶ୍ୱିନିଙ୍କ ନିର୍ଦ୍ଦେଶିତ ଏକ ଚଳଚ୍ଚିତ୍ରରେ ଏକାଠି ନଜର ଆସିବେ । ଯହାର ଏବେ ସୁଦ୍ଧା ଟାଇଟଲ ସାମ୍ନାକୁ ଆସି ନାହିଁ । ଏହି ଚଳଚ୍ଚିତ୍ରକୁ ପ୍ରଜୋଜନା କରିଛି ବିଜୟନ୍ତୀ ମୁଭିଜ୍‌ । ୨୦୨୨ରେ ଏହା ବିଭିନ୍ନ ଭାଷାରେ ମୁକ୍ତିଲାଭ କରିବାକୁ ଯାଉଛି । ଏହାସହ ତରଣ ଆଦର୍ଶ ଏକ ଭିଡିଓ ମଧ୍ୟ ପୋଷ୍ଟ କରିଛନ୍ତି । ସେ ଏହି ଭିଡିଓରେ ଲେଖିଛନ୍ତି ଯେ, ଲିଜେଣ୍ଡଙ୍କ ବିନା କିଭଳି ଏକ ଲିଜେଣ୍ଡେରୀ ଫିଲ୍ମ ପ୍ରସ୍ତୁତ କରିବାକୁ ଚେଷ୍ଟା କରାଯାଇପାରିବ ? ତେଣୁ ନାଗ ଅଶ୍ୱିନଙ୍କ ଫିଲ୍ମରେ ଅମିତାଭ ବଚ୍ଚନ ମଧ୍ୟ ନଜର ଆସିବେ ।

ଏହାସହ ଅଭିନେତା ପ୍ରଭାସ ମଧ୍ୟ ଭିଡିଓ ସେୟାର କରି ଲେଖିଛନ୍ତି ଯେ, ‘ଶେଷରେ, ସ୍ୱପ୍ନ ସାକାର ହେବାକୁ ଯାଉଛି । ଲିଜେଣ୍ଡେର ଅଭିନେତା ଅମିତାଭ ବଚ୍ଚନଙ୍କ ସହ ମୁଁ ସ୍କ୍ରିନ୍ ସ୍ପେସ୍ କରିବାକୁ ଯାଉଛି ।’

ଅମିତାଭଙ୍କ କାର୍ଯ୍ୟକ୍ଷେତ୍ର ବିଷୟରେ କହିବାକୁ ଗଲେ, ବର୍ତ୍ତମାନ ସମୟରେ ତାଙ୍କ ପାଖରେ ଅନେକ ପ୍ରୋଜେକ୍ଟ ରହିିଛି । ଅମିତାଭ ଆୟାନ ମୁଖାର୍ଜୀଙ୍କ ସୁପର ନାଚୁରାଲ  ଥ୍ରୀଲର ଫିଲ୍ମ ବ୍ରହ୍ମାସ୍ତ୍ରରେ ମଧ୍ୟ ନଜର ଆସିବେ । ଏହି ଫିଲ୍ମରେ ରଣବୀର କପୁର, ଆଲିଆ ଭଟ୍ଟ ଏବଂ ମୋନି ରୟ ନଜର ଆସିବେ । ଏହି ଚଳଚ୍ଚିତ୍ର ବ୍ୟତୀତ ଅମିତାଭ ନାଗରାଜ ମଞ୍ଜୁଲେଙ୍କ ଫିଲ୍ମ ଝୁଣ୍ଡରେ ମଧ୍ୟ କାମ କରୁଛନ୍ତି । ଏଥିରେ ଇମ୍ରାନ୍ ହାସ୍ମିମ୍‌ ମଧ୍ୟ ନଜର ଆସିବେ ।

Leave a Reply