ସୋସିଆଲ୍ ମିଡିଆରେ ନ୍ୟୁଡ୍ ଫଟୋ ସେୟାର କଲେ ଅଭିନେତ୍ରୀ, ଜାଣନ୍ତୁ କାହିଁକି ?

ୱାଂଶିଟନ୍: ଆମେରିକୀୟ ଗାୟିକା, ଗୀତ ଲେଖିକା ତଥା ଅଭିନେତ୍ରୀ ମାରଗ୍ରେଟ୍ ଲିଏନ୍ ରାଇମ୍ସ ସିବ୍ରାୟନ ତାଙ୍କ ଇନଷ୍ଟାଗ୍ରାମ ପୋଷ୍ଟରେ ଚର୍ମ ରୋଗକୁ ନେଇ ସଚେତନତା ଆରମ୍ଭ କରିଛନ୍ତି । ଏଥିପାଇଁ ଲିଏନ୍ ଇନଷ୍ଟାଗ୍ରମରେ ନିଜର ୨ଟି ଫଟୋ ପୋଷ୍ଟ କରିଛନ୍ତି । ଯେଉଁଥିରେ ତାଙ୍କ ଚର୍ମରେ କିଛି ଦାଗ ରହିଛି ।

ମାରଗେଟ ଏହି ଫଟୋ ପୋଷ୍ଟ ସହ ଏକ ଭାବପ୍ରବଣ ଧାଡ଼ି ଲେଖିଛନ୍ତି । ସେ ସୋରାଇସିସ୍ ରୋଗରେ ପୀଡ଼ିତ ଥିବା ସୂଚନା ଦେଇଛନ୍ତି । ଏହି ରୋଗର ସାମାନ୍ୟ ଲକ୍ଷଣ ଶରୀରର ପ୍ରଭାବିତ ଅଙ୍ଗ ପ୍ରତ୍ୟଙ୍ଗ କୁଣ୍ଡାଇ ହେବା । ଶରୀରର ଚର୍ମ ଉପରେ ନାଲି ନାଲି ହୋଇ ଦାଗ ଦେଖାଯିବା ।

ମାରଗ୍ରେଟ୍ ତାଙ୍କ ପୋଷ୍ଟରେ କହିଛନ୍ତି- ଏହି ଫଟୋ ଜରିଆରେ ମୁଁ ମୋତେ ହୋଇଥିବା ବେମାରୀ ବିଷୟରେ କହି ଫଟୋ ସେୟାର ଟିକିଏ ଆଶ୍ୱସ୍ତି ଲାଭ କରୁଛି । ସେ ବିଶ୍ୱ ସୋରାଇସିସ୍ ଦିବସରେ ଏହି କଥା କହିଛନ୍ତି । ଡାକ୍ତରଙ୍କ ଅନୁସାରେ, ସୋରାଇସିସ୍ ରୋଗର ସମ୍ପୂର୍ଣ୍ଣ ଚିକିତ୍ସା ନାହିଁ । ତେବେ ସୋରାଇସିସର ଗୁରୁତର ଲକ୍ଷଣ ପରେ ବି ଏହାକୁ ଅନେକ ସମୟ ଯାଏଁ କଣ୍ଟ୍ରୋଲ କରାଯାଇ ପାରିବ ।

ମାରଗ୍ରେଟ୍ ବିଶ୍ୱ ସୋରାଇସିସ୍ ଦିବସରେ ଏକ ଭାବପ୍ରବଣ ପୋଷ୍ଟ ଗ୍ଲାମର ମ୍ୟାଗାଜିନ୍ ୱେବସାଇଟରେ ସେୟାର କରିଥିଲେ । ସୂଚନାଯୋଗ୍ୟ, ରୋଗ ପ୍ରତିରୋଧକ ଶକ୍ତି ସୁସ୍ଥ କୋଷ ଉପରେ ଆକ୍ରମଣ କଲେ ସୋରାଇସିସ୍ ରୋଗ ହୋଇଥାଏ । ଏଥିରେ ଚର୍ମର କେତକ କୋଷ ଜୋରରେ ବଢ଼ିଯାଏ । ଯାହା ଚର୍ମ ଉପରେ ଶୁଖିଲା ଓ କଠିନ ହୋଇଯାଏ ।

ଆମେରିକାର ମାରଗ୍ରେଟ ମିସିସିପିରେ ଜନ୍ମ ହୋଇଥିଲା । ତାଙ୍କୁ ୬ ବର୍ଷ ହେବା ବେଳକୁ ପରିବାର ଟେକ୍ସାସ୍ ଆସିଥିଲେ । ସେ ଗୀତ ଓ ନୃତ୍ୟ ଶିକ୍ଷା ନେଇଥିଲେ । ୯ ବର୍ଷ ବେଳକୁ ସେ ଅନୁଭବୀ ଗାୟିକା ହୋଇ ସାରିଥିଲେ । ୧୩ ବର୍ଷ ବୟସରେ ତାଙ୍କର ପ୍ରଥମ ଆଲବମ୍ ରିଲିଜ୍ ହୋଇଥିଲା । ଯାହାକି ଲୋକପ୍ରିୟ ହୋଇପାରିଥିଲା ।