କରୋନା ମହାମାରୀ ପାଇଁ ଚଳିତ ବର୍ଷ ବନ୍ଦ ହେଲା ଅମରନାଥ ଯାତ୍ରା

ନୂଆଦିଲ୍ଲୀ: କରୋନା ମହାମାରୀ ଯୋଗୁଁ ଚଳିତ ବର୍ଷ ଅମରନାଥ ଯାତ୍ରାରୁ ବନ୍ଦ କରିଦିଆଯାଇଛି । ଏହା ପୂର୍ବରୁ ଯାତ୍ରାକୁ ୧୦ ଦିନ ପାଇଁ କରିବା ପାଇଁ ନିଷ୍ପତ୍ତି ନିଆଯାଇଥିଲା । କିନ୍ତୁ କରୋନା ମହାମାରୀ ଯୋଗୁଁ ଅମରନାଥ ଯାତ୍ରା ସୁରକ୍ଷିତ ନୁହେଁ ବୋଲି କୁହାଯାଇଛି ।

ଜୁଲାଇ ୮ ରେ ନିଷ୍ପତ୍ତି ନିଆଗଲା ଯେ ଏହି ବର୍ଷ ଅମରନାଥ ଯାତ୍ରା ପ୍ରତିବନ୍ଧକ ସହିତ କରାଯିବ ଏବଂ କରୋନା ମହାମାରୀ ହେତୁ ପ୍ରତିଦିନ ୫୦୦ ରୁ ଅଧିକ ତୀର୍ଥଯାତ୍ରୀଙ୍କୁ ଭଗବାନ ଶିବଙ୍କ ପବିତ୍ର ଗୁମ୍ଫା ମନ୍ଦିର ପରିଦର୍ଶନ କରିବାକୁ ଅନୁମତି ଦିଆଯିବ ନାହିଁ । ନର୍ଥ ବ୍ଲକରେ ଅନୁଷ୍ଠିତ ଏକ ଉଚ୍ଚ ସ୍ତରୀୟ ବୈଠକରେ ଜୁଲାଇ ୨୧ ରୁ ଯାତ୍ରା ଆରମ୍ଭ ହେବ ବୋଲି ନିଷ୍ପତ୍ତି ନିଆଯାଇଥିଲା । ଏହାପୂର୍ବରୁ ସେନା କହିଥିଲେ ଯେ ଆତଙ୍କବାଦୀମାନେ ଅମରନାଥ ଯାତ୍ରାକୁ ଟାର୍ଗେଟ କରୁଛନ୍ତି । ଗତ ଶୁକ୍ରବାର ଦିନ ଜଣେ ସେନା ଅଧିକାରୀ ଏହି ସୂଚନା ଦେଇଥିଲେ ।

ଜଣାଇ ରଖୁଛୁ ଯେ, ଏହା ପୂର୍ବରୁ ଶନିବାର ଦିନ ରକ୍ଷାମନ୍ତ୍ରୀ ରାଜନାଥ ସିଂହ ଅମରନାଥରେ ବାବା ବର୍ଫାନୀଙ୍କର ଦର୍ଷନ କରିଥିଲେ । ସେ ଏହାର ସୂଚନା ନିଜ ଟ୍ୱିଟର ଆକାଉଣ୍ଟରେ ଦେଇଥିଲେ । ରକ୍ଷା ମନ୍ତ୍ରୀ ଟ୍ୱିଟ୍ କରି କହିଥିଲେ ଯେ, ମୁଁ ଭାଗ୍ୟବାନ ଯେ ପବିତ୍ର ଗୁମ୍ଫା ଶ୍ରୀ ଅମରନାଥ ବାବା ବର୍ଫାନୀଙ୍କୁ ଦର୍ଶନ କରିବାର ସୁଯୋଗ ପ୍ରାପ୍ତ ହୋଇଛି । ସେହି ସମୟରେ ତାଙ୍କ ସହ DCS ବିପିନ ରାୱତ ଏବଂ ସେନା ପ୍ରମିଖ ଜେନେରାଲ ମୁକୁନ୍ଦ ନରଭାଣେ ମଧ୍ୟ ଉପସ୍ଥିତ ଥିଲେ ।