ମହିଳାଙ୍କୁ ବିରୋଧୀ ଦଳ ଉପନେତା ବିଷ୍ଣୁ ସେଠୀଙ୍କ ଦୁର୍ବବ୍ୟହାର ଅଭିଯୋଗ
ଅଖିଳ ଭାରତୀୟ ଗଣତାନ୍ତ୍ରିକ ମହିଳା ସମିତିର ସମ୍ପାଦିକା ତାପସୀ ପ୍ରହରାଜ ଓ ବିରୋଧୀ ଦଳ ଉପନେତା ବିଷ୍ଣୁ ସେଠୀଙ୍କ ମଧ୍ୟରେ ପ୍ରବଳ ବାକ୍ ବିତଣ୍ଡା । ଖୋଲାମଞ୍ଚରେ ଉଭୟଙ୍କ ମଧ୍ୟରେ ପ୍ରବଳ ଯୁକ୍ତିତର୍କ ହୋଇଥିବା ବେଳେ ତାପସୀଙ୍କୁ ଚ୍ୟାଲେଞ୍ଜ କରିଛନ୍ତି ବିଷ୍ଣୁ ସେଠୀ । ଏହାସହ ଦୁର୍ବ୍ୟବହାର ପ୍ରଦର୍ଶନ କରିଥିବା ଅଭିଯୋଗରେ ତାପସୀ ପ୍ରହରାଜ ଭଦ୍ରକ ଏସ୍ପିଙ୍କୁ ସାକ୍ଷାତ କରି ଅଭିଯୋଗ କରିଛନ୍ତି । ଗତକାଲି ଭଦ୍ରକର ଏକ ହୋଟେଲରେ ବିଶ୍ୱ ମାନବାଧିକାର ଦିବସ ପାଳନ କରାଯାଉଥିବା ବେଳେ ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା । ବିଷ୍ଣୁ ସେଠୀ ତାଙ୍କ ଭାଷଣରେ ମହିଳାଙ୍କ ପ୍ରତି କିଛି ମନ୍ତବ୍ୟ ଦେଇଥିବା ବେଳେ ପ୍ରତିବାଦ କରିଥିଲେ ତାପସୀ ପ୍ରହରାଜ । ତାପସୀଙ୍କ ଏହି ପ୍ରତିବାଦରେ ଉତକ୍ଷିପ୍ତ ହୋଇଉଠିଥିଲେ ବିଷ୍ଣୁ ସେଠୀ । ପୋଡିୟମ ସମ୍ମୁଖରେ ତାପସୀ ଓ ବିଷ୍ଣୁଙ୍କ ମଧ୍ୟରେ ଆରମ୍ଭ ହୋଇଥିଲା କଥା କଟାକଟି ।
ନଡ୍ଡାଙ୍କ ଗାଡିକୁ ଆକ୍ରମଣ; ମମତା ସରକାରକୁ ରାଜ୍ୟପାଳଙ୍କ ଭୟଙ୍କର ଭର୍ତ୍ସନା
