ଭିନ୍ନକ୍ଷମ ତାଲିମ କେନ୍ଦ୍ରରେ ସେକ୍ସ ରାକେଟ ଘଟଣା, ଗିରଫ ହେଲେ ସମ୍ପାଦକ ସୁରେଶ ବେହେରା
ଭୁବନେଶ୍ୱର: ରାଜଧାନୀର ଭିନ୍ନକ୍ଷମ ତାଲିମ୍ କେନ୍ଦ୍ରରେ ସେକ୍ସ ରାକେଟ ଘଟଣା । ଗିରଫ ହେଲେ ନିଖିଳ ଉତ୍କଳ ଶାରିରୀକ ଭିନ୍ନକ୍ଷମ କଲ୍ୟାଣ ମହାସଂଘର ସମ୍ପାଦକ ସୁରେଶ ବେହେରା । ସୁରେଶକୁ ଏୟାରପୋର୍ଟ ଥାନା ପୋଲିସ ଗିରଫ କରିଛି । ସୁରେଶଙ୍କ ସହ ମାମଲାରେ ୬ ଜଣଙ୍କୁ ଗିରଫ କରିଛି କମିଶନରେଟ୍ ପୋଲିସ । ଗିରଫଙ୍କ ମଧ୍ୟରେ ଜଣେ ସରକାରୀ ଅଧିକାରୀଙ୍କ ସହ ୨ ଜଣ କର୍ମଚାରୀ ଥିବା ଭୁବନେଶ୍ୱର ଡିସିପି ସୂଚନା ଦେଇଛନ୍ତି ।
ଅନୁଷ୍ଠାନର ସମ୍ପାଦକ ସୁରେଶଙ୍କ ବିରୋଧରେ ମାନବ ଚାଲଣ ଅଭିଯୋଗ ଆଣିଛନ୍ତି ଜଣେ ମହିଳା । ସେକ୍ସ ରାକେଟରେ ଥିବା ମହିଳା ଜଣକ ଏପରି ଆଭିଯୋଗ ଆଣିଛନ୍ତି । ପୋଲିସ ମୋବାଇଲ ଫୋନ୍, ଫଟୋ ଜବତ କରିଛି । ଏଥିରେ ସମ୍ପୃକ୍ତ କଟକର ରାଣୀ ମହୁମାଛି, ଦଲାଲ ଲୁଲୁ, ରାକେଶ ଷଡ଼ଙ୍ଗୀ (କର୍ମଚାରୀ), ସଞ୍ଜୁକ୍ତା ମେହେର (କର୍ମଚାରୀ)ଙ୍କ ସହ ଖୋର୍ଦ୍ଧା ଡିଏସ୍ଏସ୍ଓ ଅଫିସରେ କାର୍ଯ୍ୟରତ ସଂଗ୍ରାମ ଦାସଙ୍କୁ ପୋଲିସ ଗିରଫ କରିଛି ।
ପଳାସପଲ୍ଲୀଠାରେ ଥିବା ନିଖିଳ ଉତ୍କଳ ଶାରୀରିକ ଭିନ୍ନକ୍ଷମ କଲ୍ୟାଣ ମହାସଂଘ କାର୍ଯ୍ୟାଳୟରେ ସେକ୍ସ ରାକେଟ ଚାଲିଥିବା ନେଇ ନନ୍ଦିଘୋଷ ଟିଭିରେ ଖବର ପ୍ରସାରଣ ହୋଇଥିଲା । ସେବେଠାରୁ ଫେରାର୍ ଥିଲେ ଅନୁଷ୍ଠାନର ମୁଖ୍ୟ ।
