‘ଗନ୍ଦି ବାତ୍’ ଅଭିନେତ୍ରୀ ଗେହନା ବଶିଷ୍ଟ ଗିରଫ: ପ୍ରସ୍ତୁତ କରୁଥିଲେ ପର୍ଣ୍ଣ ଭିଡିଓ

ମୁମ୍ୱାଇ:  ୮୦ ବିଜ୍ଞାପନ, ୭ ଓ୍ୱେବ ସିରିଜ୍ ଏବଂ କିଛି ଫିଲ୍ମରେ କାମ କରିସାରିଥିବା ଅଭିନେତ୍ରୀ ଗେହନା ବଶିଷ୍ଠଙ୍କୁ ମୁମ୍ୱାଇ ପୋଲିସ ପର୍ଣ୍ଣ ଭିଡିଓ ସୁଟ୍ କରିବା ଏବଂ ପର୍ଣ୍ଣ ରାକେଟ ଚଳାଇବା ନେଇ ପ୍ରଥମ ଅଟକ ରଖିଥିଲା । ପଚରାଉଚରା ପରେ ତାଙ୍କୁ ଗିରଫ କରାଯାଇଛି ।  ଗେହନା ବଶିଷ୍ଠ ମୂଳତଃ ଛତିଶଗଡ଼ର ବାସିନ୍ଦା । ଏବଂ ତାଙ୍କ ପ୍ରକୃତ ନାମ ବନ୍ଦନା ତିଓ୍ୱାରୀ । ତାଙ୍କ ମା’  ଜଣେ ଗୃହଣୀ ଏବଂ ବାପା ଜଣେ ଶିକ୍ଷା ବିଭାଗ ଅଧିକାରୀ ।  ଫିଲ୍ମକୁ ଆସିବା ପରେ ସେ ତାଙ୍କ ନାମ ପରିବର୍ତ୍ତନ କରି ଗେହନା ବଶିଷ୍ଠ କରିଦେଇଛନ୍ତି । ଗେହନା ବଶିଷ୍ଠ ୮୦ରୁ ଅଧିକ ବିଜ୍ଞାପନରେ କାମ କରିସାରିଛନ୍ତି । ଏବଂ ସେ ତେଲୁଗୁ ଚଳଚ୍ଚିତ୍ରରେ ମଧ୍ୟ ନଜର ଆସିଛନ୍ତି ।

        ମିସ୍ ଏସିଆ (ବିକିନି) ବିଜେତା ଗେହନା ବଶିଷ୍ଠ ୭ରୁ ଊର୍ଦ୍ଧ୍ୱ ଓ୍ୱେବ୍ ସିରିଜରେ ନଜର ଆସିଛନ୍ତି । ଏବଂ ତାଙ୍କୁ ବହୁ ମ୍ୟୁଜିକ୍ ଭିଡିଓରେ ମଧ୍ୟ ଦର୍ଶକ ଦେଖିଛନ୍ତି । ଏସବୁ ସତ୍ତ୍ୱେ ପର୍ଣ୍ଣ ସିନେମା ପ୍ରସ୍ତୁତ କରିବା ଏବଂ ତାକୁ ଅପଲୋଡ୍ କରିବା ଏବଂ ସେଥିରୁ ଟଙ୍କା ରୋଜଗାର କରୁଥିବା ନେଇ ତାଙ୍କ ନାଁରେ ଅଭିଯୋଗ ହୋଇଛି । ଅଲ୍ଟ ବାଲାଜୀର ଓ୍ୱେବ୍ ସିରିଜ୍ ଗନ୍ଦି ବାତରୁ ତାଙ୍କୁ ବେଶ୍ ଲୋକପ୍ରିୟତା ମିଳିଥିଲା ।

        ଅଭିଯୋଗକାରୀଙ୍କ ଅଭିଯୋଗ ମୁତାବକ ଗେହନା ବଶିଷ୍ଠ କିଛି ପ୍ରଡକସନ୍ ହାଉସ୍ ସହ ଭାଗିଦାରୀରେ ଆଡଲ୍ଟ ମୁଭି (ପ୍ରାପ୍ତ ବୟସ୍କଙ୍କ ସିନେମା) ସୁଟ୍ କରୁଥିଲେ । ଏବଂ ଆପ୍ , ଓ୍ୱେବସାଇଟରେ ଅପଲୋଡ୍ କରୁଥିଲେ । ଆଉ ତାଙ୍କ ପର୍ଣ୍ଣ ଭିଡିଓ ଦେଖିବାକୁ ଲୋକଙ୍କୁ  ୨୦୦୦ ଟଙ୍କା ପର୍ଯ୍ୟନ୍ତ ଦେବାକୁ ପଡ଼ୁଥିଲା ଏହା ପରେ ହିଁ ଭିଡିଓ ଦେଖିବାକୁ ପାଇଁ ଲୋକଙ୍କୁ ଅନୁମତି ମିଳୁଥିଲା ।

ମୁମ୍ୱାଇ ପୋଲିସ ଗ୍ରୀନ୍ ପାର୍କ ନାମକ ଏକ  ବଙ୍ଗଳରେ ରେଡ୍ କରିଥିଲା । ସେଠାରେ ପୋଲିସ ୨ ଅଭିନେତ୍ରୀ, ଲାଇଟ ମ୍ୟାନ୍, ଜଣେ ମହିଳା ଫଟୋ ଗ୍ରାଫରଏବଂ ଗ୍ରାଫିକ୍ସ ଡିଜାଇନର ମଧ୍ୟ ଗିରଫ ହୋଇଛନ୍ତି । ପୋଲିସ ସେଠାରୁ ହେଡ୍ ଫୋନ୍, କ୍ୟାମେର ଓ ଏହାର ଷ୍ଟାଣ୍ଡ, ପର୍ଣ୍ଣ ଭିଡିଓରେ ଭର୍ତ୍ତି ମେମୋରି ମଧ୍ୟ ବାଜ୍ୟାପ୍ତ କରିଛି । ଏହା ବ୍ୟତୀତ ପୋଲିସ ୩ ବ୍ୟାଙ୍କ ଆକାଉଣ୍ଟକୁ ମଧ୍ୟ ଜବତ କରିଛି । ଯେଉଁଥିରେ ୩୬ ଲକ୍ଷ ଟଙ୍କା ମିଳିଛି । ଯାହା ଏହି ପ୍ରାପ୍ତ ବୟସ୍କ ଭିଡିଓ ମାଧ୍ୟମରେ ଆୟ କରିଥିଲେ ।

        ଘଟଣାନୁଯାୟୀ, ପୋଲିସକୁ ଖବର ମିଳିଥିଲା ଯେ, ଗ୍ୟାଙ୍ଗ୍ ଫିଲ୍ମରେ କାମ କରିବା ଲାଗି କିଛି ନୂଆ ଚେହେରା ଆବଶ୍ୟକ ଏ ନେଇ ବିଜ୍ଞାପନ ପ୍ରକାଶିତ ହୋଇଥିଲା । କିନ୍ତୁ ସେଠାରେ ନବାଗତଙ୍କ ସହ ଅଶ୍ଳୀଳ ସିନ୍ କରାଉଥିଲେ । ସେମାନଙ୍କୁ ଅଧିକ ଟଙ୍କା ଅଫର କରିବା ସହ ଏଗ୍ରିମେଣ୍ଟ କରାଉଥିଲେ । ପରେ ସେମାନଙ୍କୁ ପର୍ଣ୍ଣ ସିନେମାରେ କାମ କରାଉଥିଲେ ।