ରାଜ୍ୟରେ କରୋନା ସଂକ୍ରମଣ ସହ ବଢ଼ୁଛି ମୃତ୍ୟୁ ସଂଖ୍ୟା

1 min read

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ସହ ବଢ଼ିବାରେ ଲାଗିଛି କରୋନାରେ ମୃତ୍ୟୁ ସଂଖ୍ୟା ।  ଆଜି ରାଜ୍ୟରେ ୪୨୦୯ ଜଣ କରୋନା ସଂକ୍ରମି ଚିହ୍ନଟ ହୋଇଥିବା ବେଳେ ୯ ଜଣଙ୍କର ଏଥିରେ ମୃତ୍ୟୁ ହୋଇଛି । ନୂଆ ୯ ଜଣଙ୍କର ମୃତ୍ୟୁ ପରେ ରାଜରେ ମୋଟ ମୃତ୍ୟୁ ସଂଖ୍ୟା ୬୯୧ ରେ ପହଞ୍ଚିଛି । ୯ ଜଣଙ୍କ ମଧ୍ୟରୁ ବରଗଡ଼ରୁ ୨, ଭଦ୍ରକରୁ ୧, ବଲାଙ୍ଗିରରୁ ୧, କଟକରୁ ୧, ଗଜପତିରୁ ୧, ପୁରୀରୁ ୧, ରାୟଗଡ଼ାରୁ ୧, ସମ୍ବଲପୁରରୁ ଜଣଙ୍କର ମୃତ୍ୟୁ ହୋଇଛି । ଏମାନଙ୍କର ବୟସ ୩୭ ବର୍ଷରୁ ୭୩ ବର୍ଷ ମଧ୍ୟରେ ରହିଛି । ଏ ସମସ୍ତଙ୍କ ମଧ୍ୟରୁ ଅଧିକାଂଶ ଅନ୍ୟାନ୍ୟ ରୋଗରେ ପିଡ଼ିତ ରହିଥିଲେ ।

ତେବେ ଗତ ୨୪ ଘଣ୍ଟା ମଧ୍ୟରେ ୪ ହଜାର ୨୦୯ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନ ସେଣ୍ଟରରୁ ୨୪୪୧ ଜଣ ଚିହ୍ନଟ ହୋଇଥିବା ବେଳେ ୧୭୬୮ ଜଣଙ୍କର ଲୋକାଲ କଣ୍ଟାକ୍ଟ ରହିଛି । ଯଦି ଦେଖିବା ରାଜ୍ୟରେ ଏପର୍ଯ୍ୟନ୍ତ ୨୭ ଲକ୍ଷ ୧୫ ହଜାର ୮୨୨ଟି କମୁଲେଟିଭ ଟେଷ୍ଟ ହୋଇଛି । ନୂଆ ସଂକ୍ରମଣ ଚିହ୍ନଟ ହେବା ପରେ ଏବେ ରାଜ୍ୟରେ ୧ ଲକ୍ଷ ୭୫ ହଜାର ୫୫୦ରେ ପହଞ୍ଚିଛି ମୋଟ କରୋନା ସଂଖ୍ୟା । ୧ଲକ୍ଷ ୩୭ ହଜାର ୫୬୭ ଜଣ କରୋନା ସୁସ୍ଥ ହୋଇଥିବା ବେଳେ ୩୭ ହଜାର ୨୩୯ ଜଣ କରୋନା ସଂକ୍ରମିତ ସକ୍ରିୟ ରହିଛନ୍ତି ।

Leave a Reply