ବଜେଟ୍‌ରେ ଐତିହ୍ୟ କ୍ଷେତ୍ରର ବିକାଶକୁ ସର୍ବାଧିକ ଗୁରୁତ୍ୱ

ଭୁବନେଶ୍ୱର: ଏଥର ରାଜ୍ୟ ବଜେଟ୍‌ରେ ଐତିହ୍ୟ କ୍ଷେତ୍ରର ବିକାଶକୁ ସର୍ବାଧିକ ଗୁରୁତ୍ୱ ଦିଆଯାଇଛି । ଏଥିପାଇଁ ବ୍ୟୟବରାଦ ହୋଇଛି ୬୯୫ କୋଟି ଟଙ୍କା । ଅବଢ଼ା ଯୋଜନା ପାଇଁ ୩ ହଜାର ୨୦୮ କୋଟି ଟଙ୍କା ବ୍ୟୟ ଅଟକଳ କରାଯାଇଛି ।

ଏକାମ୍ର କ୍ଷେତ୍ରର ବିକାଶ ପାଇଁ ୧୫୦ କୋଟି, କଟକ ସହର ପାଇଁ ପ୍ରସ୍ତୁତ ହୋଇଛି ‘ଡିକନଜେସନ ପ୍ଲାନ’ । ମହାନଦୀ କୂଳର ୪୨୪ ଏକର ଜମି ବ୍ୟବହାର କରାଯିବ । ୬ ଲେନ୍‌ ବିଶିଷ୍ଟ ହେବ କଟକ ରିଂ ରୋଡ୍‌ । ତାଳସାରୀ, ସମଲେଶ୍ୱରୀ ପୀଠ ଓ ହୀରାକୁଦ ଡ୍ୟାମ ବିକାଶ ପାଇଁ ବ୍ୟୟବରାଦ କରାଯାଇଛି ।