୫୮ତମ ଗୃହରକ୍ଷୀ ବାହିନୀର ବାର୍ଷିକୋତ୍ସବ

ଯାଜପୁର: ଯାଜପୁର ଜିଲ୍ଲା ପାଣିକୋଇଲିସ୍ଥିତ ଜିଲ୍ଲା ପୋଲିସ ମୁଖ୍ୟାଳୟରେ ୫୮ତମ ଗୃହରକ୍ଷୀ ବାହିନୀର ବାର୍ଷିକ ଉତ୍ସବ ଅନୁଷ୍ଠିତ । ଏଥିରେ ଯାଜପୁର ଏସ.ପି ଚରଣ ସିଂ ମୀନା ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଏହାସହ ଏହି ଅବସରରେ ଆୟୋଜିତ ଏକ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ ।

୧୯୬୨ ମସିହାରୁ ଗୃହରକ୍ଷୀ ବାହିନୀ ପୋଲିସ ସହ ଏକ ବଡ଼ ସହଯୋଗୀ ଭାବରେ ଜୋଡି ହୋଇଥିବା ବେଳେ ଗୃହରକ୍ଷୀ ବାହିନୀର ଦେଶ ପ୍ରତି ରହିଥିବା ଭୂମିକା ଉପରେ ଏସ.ପି ଆଲୋକପାତ କରିଥିଲେ । ଏଥିସହ ମହାମାରୀ କରୋନା ସହ ଲଢେଇରେ ଗୃହରକ୍ଷୀ ବାହିନୀର ଭୂମିକାକୁ ପ୍ରଶଂସା କରିବା ସହ ଦେଶ ପ୍ରତି ଉତ୍ସର୍ଗୀକୃତ ରହିବାକୁ ପରାମର୍ଶ ହେଇଛନ୍ତି । ଏହି ଅବସରରେ କରୋନାରୁ ସୁସ୍ଥ ହୋଇ ଫେରିବା ପରେ ପ୍ଲଜମା ଦାନ କରିଥିବା ୪ ଜଣ ଗୃହରକ୍ଷୀଙ୍କୁ ସମ୍ବର୍ଦ୍ଧିତ କରାଯାଇଛି । ଏହି କାର୍ଯ୍ୟକ୍ରମରେ ଜିଲ୍ଲା ପୋଲିସ ଓ ଗୃହରକ୍ଷୀ ବାହିନୀର ବହୁ ଅଧିକାରୀ ସାମିଲ ହୋଇଥିଲେ ।