ମଣିପୁରରେ ୩ ଯବାନ ସହିଦ, ୪ ଗୁରୁତର

1 min read
manipur-ambush-news

ମଣିପୁର: ପୁଣି ସେନା ଉପରେ ଆକ୍ରମଣ । ୩ ଯବାନ ସହିଦ । ମଣିପୁରରେ ଭାରତୀୟ ସେନା ବାହିନୀ ଉପରେ ଆକ୍ରମଣ କରାଯାଇଛି । ଏହି ଘଟଣାରେ ୩ ଜଣ ଯବାନ ସହିଦ ହୋଇଥିବା ବେଳେ ୪ ଜଣଙ୍କ ଅବସ୍ଥା ଗୁରୁତର ରହିଥିବା ଜଣାପଡ଼ିଛି । ନ୍ୟୁଜ୍ ଏଜେନ୍ସି ANI ଅନୁଯାୟୀ, ମିଆଁମାର ସୀମାନ୍ତରେ ଥିବା ଚାନ୍ଦେଲରେ ସ୍ଥାନୀୟ ଗୋଷ୍ଠୀ ପିପୁଲ୍ସ ଲିବରେସନ୍ ଆର୍ମିର ଆତଙ୍କବାଦୀ ଗୋଷ୍ଠି ଏହି ଆକ୍ରମଣ କରିଥିବା ସୂଚନା ମିଳିଛି । ଆତଙ୍କବାଦୀମାନେ ଅଚାନକ ଭାରତୀୟ ସେନାଙ୍କ ଉପରେ ଗୁଳି ବର୍ଷା କରିଥିଲେ । ଫଳରେ ଆସାମ ରାଇଫଲ୍ସ ୟୁନିଟ୍‌ର ୩ ଜଣ ଯବାନଙ୍କ ମୃତ୍ୟୁ ଘଟିଥିଲା ।

ANI ଅନୁଯାୟୀ ଆତଙ୍କବାଦୀମାନେ ପ୍ରଥମେ IED ବିସ୍ଫୋରଣ କରିଥିଲେ ଏବଂ ପରେ ସୈନିକମାନଙ୍କ ଉପରକୁ ଗୁଳି ଚଳାଇଥିଲେ । ଇମ୍ଫାଲ ଠାରୁ ୧୦୦ କିଲୋମିଟର ଦୂରରେ ଥିବା ସେହି ଅଞ୍ଚଳକୁ ଏବେ ଅଧିକ ଫୋର୍ସ ପଠାଯାଇଛି । ସମ୍ପୂର୍ଣ୍ଣ ଅଞ୍ଚଳରେ ଅପରେସନ୍‌କୁ ଜୋର୍‌ଦାର କରାଯାଇଛି ।

Leave a Reply